आजका तस्बिर- जेठ १७

चार दिने भारत भ्रमणका लागि प्रस्थान गर्दै प्रचण्ड । प्रधानमन्त्री पुष्पकमल दाहाल ‘प्रचण्ड’ चार दिने भारत भ्रमणमा जान अन्तराष्ट्रिय विमानस्थलमा। तस्बिर: नवीनबाबु गुरूङ

निर्जला एकादशी । निर्जला एकादशीको दिन तुलसी पुजा र मठमा तुलसीको दल (बीउ) राखेर जल चढाउँदै भक्तजन। तस्बिर: नवीनबाबु गुरूङ

मसाल जुलुस । नेकपा एमालेको राष्ट्रिय युवा संघ नेपालले नागरिकता विधेयक प्रमाणीकरणविरूद्ध मसाल जुलुस निकालेर विरोध जनाएको छ। बुधबार साँझ नयाँ बानेश्वरमा उनीहरूले मसाल जुलुस निकालेका हुन्। तस्बिर: नवीनबाबु गुरूङ

राष्ट्रपति रामचन्द्र पौडेलको तस्वीर पहिलो पटक सगरमाथाको चुचुरोमा । राष्ट्रपति रामचन्द्र पौडेलको तस्वीर पहिलो पटक सगरमाथाको चुचुरोमा पुर्‍याउने महिला आरोही याङजी शेर्पालाई राष्ट्रपति पौडेलले बधाई दिएका छन्। आज राष्ट्रपति भवन शितल निवासमा भएको कार्यक्रममा आफ्नो तस्वीर विश्वकै अग्लो चुचुरो सगरमाथामा पुर्‍याएर सप्राइज दिएको भन्दै उनले महिला आरोहीको साहस र आँटको प्रशंसा गरे। तस्बिर: राष्ट्रपति कार्यालय