आजका तस्बिर: चैत १९

जोखिममा विद्यालय । बझाङको जयपृथ्वी नगरपालिकाको डिलबगरमा रहेको लुयाँटा आधारभूत विद्यालय। गत वर्ष आएको बाढीले चाैरसहित पर्खाल बगाएपछि विद्यालय जोखिममा छ। तस्बिर: भूमिराज पिठातोली / रासस

पाथीभरा मन्दिर परिसर सेताम्य । हिमपातपछि सेताम्मे बनेको ताप्लेजुङस्थित प्रसिद्ध तीर्थस्थल पाथीभरा मन्दिर परिसर। सामान्य वर्षासँगै पाथीभरासहित यहाँका उच्च क्षेत्रमा हिमपात भइरहेको छ। तस्बिरः सन्तोष पुर्कुटी/रासस

टावरमा काम गर्दै मजदुर । १३२ केभी प्रसारण लाइनको विद्युत् सेवा कर्णाली प्रदेशमा ल्याउनका लागि भेरीगंगा नगरपालिकाको छिन्चु सुर्खेतमा अग्ला टावरमा काम गर्दै मजदुर। अहिले ३२ केभी प्रसारण लाइन हुँदा विद्युत् सेवा अनियमित हुँदै आएको छ। तस्बिर: हेमन्त केसी/रासस