आजका तस्बिर: चैत १५

बालुवाटारमा खाजा । प्रधानमन्त्री निवास बालुवाटारमा बसेको सत्ता गठबन्धनको बैठकको क्रममा भुटेको मकै र मोही खाँदै पूर्वप्रधानमन्त्री एवं नेपाल समाजवादी पार्टीका अध्यक्ष बाबुराम भट्टराई। तस्बिर सौजन्य: बाबुराम भट्टराई

रसुवागढी नाका पूर्ण रूपमा चलाउन चीन सहमत । अप्रिल १ देखि रसुवागढी नाका पूर्ण रूपमा चलाउन चीन सहमत भएको छ। बुधबार चीनको स्वशासित क्षेत्र तिब्बतको राजधानी ल्हासामा भएको सीमा, व्यापार र सहयोगसम्बन्धी नेपाल-चीन समन्वय संयन्त्रको पहिलो बैठकमा आगामी अप्रिल १ (चैत १८) देखि रसुवागढी/केरूङ नाका पूर्ण रूपमा सञ्चालन गर्ने सहमति भएको हो।

न्यायिक समितिको पहिलो राष्ट्रिय सम्मेलन । काठमाडौंमा न्यायिक समिति राष्ट्रिय सम्मेलन सुरू भएको छ। काठमाडौं महानगरको नेतृत्व र उपत्यकाका सबै पालिकाको साझा आयोजनामा पहिलोपटक न्यायिक समिति राष्ट्रिय सम्मेलन सुरू भएको हो। तस्बिर: नवीनबाबु गुरूङ

सेतो मच्छिन्द्रनाथको रथयात्रा सुरू । आजदेखि सेतो मच्छिन्द्रनाथको रथयात्रा सुरू भएको छ। आज अपराह्न ४ बजेदेखि मच्छिन्द्र बहालदेखि तीनधारा पाठशालासम्म रथयात्रा भएको हो। तस्बिर: नवीनबाबु गुरूङ