आजका तस्बिरहरू-फागुन १७

पाल्पाली चिनो । पाल्पा सदरमुकाम तानसेन बजारस्थित दरबार संग्रहालयको अगाडि ढाका कपडाका सामान बिक्रि गर्ने एउटा पसल। तानसेन घुम्ने पर्यटकहरु परिवार, आफन्त र इष्टमित्रका लागि यहाँ उत्पादित ढाका कपडाका सामानहरु किनेर लैजान्छन्। ढाकासँगै पाल्पाको करूवा पनि राम्रो कोसेलीका रुपमा स्थापित छ। तस्बिरः सेतोपाटी।

कडा सुरक्षा! । नामकरणको प्रस्ताव प्रदेश सभामा आज (बुधबार) पेश हुने भएपछि प्रदेश १ संसद परिसरमा सुरक्षा व्यवस्था कडा पारिएको छ। तस्बिरः राजु अधिकारी/सेतोपाटी

सूर्यमुखी फूल । चितवनको भरतपुर महानगरपालिका वडा नं १५ श्रीपुरमा ढकमक्क फुलेको सूर्यमुखी फूल। तस्बिरः कृष्ण आचार्य/रासस

संसदभित्र छलफल, बाहिर नारा । प्रदेश १ को प्रदेश सभाभित्र नामकरणका लागि छलफल चलिरहँदा प्रदेश १ संसद परिसर बाहिर भने पहिचानमा आधारित प्रदेश चाहिने भन्दै प्रदर्शन चलिरहेको छ। तस्बिर: राजु अधिकारी