आजका तस्बिर- फागुन ९

ग्याल्पो ल्होसार । २१५० औं ग्याल्पो ल्होसार मनाउँदै शेर्पा समुदायकी एक वृद्धा। तस्बिर: नवीनबाबु गुरूङ/सेतोपाटी

आज पनि सन्दीपसँग हात मिलाएनन् स्कटल्यान्डका खेलाडीले । स्कटल्यान्डका क्रिकेट खेलाडीले मंगलबारको खेलपछि पनि नेपाली क्रिकेटर सन्दीप लामिछानेसँग हात मिलाउन अस्वीकार गरेका छन्। खेलपछि दुबै देशका अरू खेलाडी र अफिसियलले हात मिलाएर हार्दिकता साटे पनि नाबालिग बलात्कारको आरोप लागेका सन्दीपसँग भने स्कटल्यान्डका खेलाडीले हात मिलाएनन्। तस्बिर: निशा भण्डारी

नर्सरीमा फूल स्याहार गर्दै महिला । दाङको घोराही–१८, नवलपुरमा रहेको कोशी नर्सरीमा फूलका बिरूवा स्याहार गर्दै महिला। तस्बिरः रञ्जिता अधिकारी/रासस

मनकामनाको छत्र शिला । भोजपुर र सङ्खुवासभाको सिमाना खादबारी नगरपालिका-९ स्थित अरूण नदीको किनारमा रहेको मनकामना मन्दिरको छत्र शिला। यहाँ सत्यदेवीको मस्तिष्क पतन भएर मनकामनाको उत्पत्ति भएको धार्मिक विश्वास रहेको छ। तस्बिर: युवराज विष्ट/रासस