आजका तस्बिर- माघ ९

रूबी खानसहितका अधिकारकर्मी पक्राउ । निर्मला कुर्मीलाई न्यायको माग गर्दै आन्दोलनरत रूबी खानसहितका अधिकारकर्मी पक्राउ परेका छन्। सोमबार माइतीघरबाट र्‍यालीसहित अगाडि बढिरहेको बेला प्रहरीले खानसहितका अभियन्ताहरूलाई पक्राउ गरेको हो। तस्बिर: निशा भण्डारी

सूर्योदय । कर्णाली प्रदेशको राजधानी सुर्खेतको वीरेन्द्रनगर नगरपालिका–३ मसुरिखेतबाट देखिएको सूर्योदय। तस्बिरः सुरेश आचार्य/रासस

ठाडो डाडाँमा रहेका घरहरू । जाजरकोट भेरी नगरपालिका–३ र ४ स्थित सदरमुकाम रहेको ठाडो डाँडामा ठडिएका घरहरू। पहिरोका साथै भूकम्पको जोखिम रहेको छ। तस्बिर: हेमन्त केसी/रासस