आजका तस्बिर- माघ ८

सोनाम ल्होसार । तामाङ समुदायले प्रत्येक वर्ष माघ शुक्ल प्रतिपदाका दिन मनाउने सोनाम ल्होसार अर्थात् नयाँ वर्षको अवसरमा आइतबार राजधानीको टुँडिखेलमा परम्परागत पोशाकमा सजिएकी एक बालिका। तस्बिरः नवीनबाबु गुरूङ/सेतोपाटी

दाउरा संकलन । खाना पकाउने ग्यास आपूर्ति नहुने बारेकोट गाउँपालिका–१ रामीडाँडामा सामुदायिक वनबाट दाउरा संकलन गरेर ल्याउँदै स्थानीय महिला। जिल्लाका अन्य ठाउँभन्दा यहाँ बढी चिसो हुने गर्दछ। तस्बिर: हेमन्त केसी/रासस

हिमशृङ्खला । राष्ट्रिय गौरवको निर्माणाधीन मध्यपहाडी राजमार्गअन्तर्गत पोखरा महानगरपालिका-२५ हेमजा खण्डको छ लेनको सडक र सडकबाट देखिने हिमशृङ्खला। तस्बिर: कृष्ण दवाडी/रासस

डेमो प्रदर्शन । जुम्लाको चन्दननाथ नगरपालिका-१० मा सशस्त्र प्रहरी बलले आगलागी नियन्त्रण सम्बन्धमा डेमो प्रदर्शन गरेर स्थानीयलाई सचेत गराउँदै। तस्बिरः विजय रावत/रासस