आजका तस्बिर- पुस १८

टोड्केबाट देखिएको धौलागिरि हिमाल र स्वर्गाश्रम । म्याग्दीको प्रसिद्ध पर्यटकीयस्थल टोड्केबाट देखिएको धौलागिरि हिमाल र स्वर्गाश्रम धाम। मौसम सफा भएको बेला टोड्केबाट धौलागिरि, निलगिरि लगायतका ७ वटा हिमालको अवलोकन गर्न सकिन्छ। तस्बिर: ध्रुवसागर शर्मा/रासस

लभ पार्क । सिन्धुपाल्चोकको मेलम्ची नगरपालिका– ९ मा रहेको पर्यटकीय क्षेत्र गुफाडाँडामा निर्माण गरिएको लभ पार्क। तस्बिर: रूपक पुरी/रासस

बाँस ल्याउँदै । भोजपुर जिल्लाबाट कोसी नदीबाट बिक्रीका लागि बाँस ल्याउँदै सुनसरीको चतराका कामदार। जोखिमका साथ उक्त बाँस ढुवानी गरेबापत एक हजार रुपैयाँ पारिश्रमिक प्राप्त गर्ने गरेका छन्। तस्बिर: मनोज दाहाल/रासस

जोखिम मोलेर अरुण नदी तर्दै । सङ्खुवासभाको खाँदबारी नगरपालिका –९, तुम्लिङटारस्थित लम्सुवाघाटमा पक्की पुल नहुँदा डुङ्गामा जोखिम मोलेर अरुण नदी तर्दै भोजपुरको षडानन्द नगरपालिका-६, मच्छेटारका विद्यार्थी । तस्बिरः भविन कार्की/रासस