परीक्षा दिँदै विद्यार्थी । बझाङको खप्तडछान्ना गाउँपालिका ७ महेश्वरी माविका विद्यार्थीहरू परीक्षा दिँदै। यस विद्यालयमा बझाङ र बाजुराका आठ सयभन्दा बढी विद्यार्थी अध्ययन गरिरहेका छन्। तस्बिर: भूमिराज पिठातोली,रासस
पर्यटकीय स्थल खटाङ । सुर्खेतको गुर्भाकोट नगरपालका–८, मेहेलकुनामा चारैतिर भेरी नदीले घेरिएर रहेको पर्यटकीय स्थल खटाङ। तस्बिरः सुरेश आचार्य/रासस
बुढापाकाहरू देउडा खेल खेल्दै । सुर्खेतको बराहताल गाउँपलिका–४ तरङ्गामा देउडा खेल खेल्दै स्थानीय बासिन्दा। संस्कृति जोगाउन यहाँको बुढापाकाहरूले समय–समयमा देउडा खेल खेल्ने गर्दछन्। तस्बिरः सुरेश आचार्य/रासस
डुङ्गा खियाउँदै । नवलपुर र चितवन भएर बग्ने नारायणी नदीमा डुङ्गा खियाउँदै मध्यविन्दु–३ का बोटे समुदायका मानिस। नदीमा माछा मार्न, घाँस–दाउरा ल्याउन तथा नदी वारपार गर्नका लागि डुङ्गाको प्रयोग गर्दै आएका छन्। तस्बिरः टेकराज पोखरेल/रासस
ओझेलमा बराह ताल । सुर्खेतको बराह ताल गाउँपलिका–४ तरङ्गामा रहेको बराह ताल। यातायात सञ्जाल नजोडिँदा पर्यटनको राम्रो सम्भावना भएता पनि उक्त ताल ओझेलमा परेको छ। तस्बिर: सुरेश आचार्य/रासस
-copy-1732085934.jpg )
