शोभराजलाई एयरपोर्ट लगिँदै । सर्वोच्च अदालतको फैसलापछि जेलमुक्त भएका सिरियल किलर चार्ल्स शोभराजलाई एयरपोर्ट लगिँदै। उनलाई डिपोर्ट गर्न त्रिभुवन अन्तर्राष्ट्रिय विमानस्थलमा पुर्याइएको अध्यागमन विभागकी निमित्त प्रमुख प्रदर्शनी कुमारीले जानकारी दिइन्। तस्बिर: नवीनबाबु गुरूङ/सेतोपाटी
नारायणगढमा मापदण्ड विपरीतका संरचना भत्काइँदै । भरतपुर महानगरभित्र पर्ने नारायणगढ–गोन्द्राङ सडकखण्ड अन्तर्गत नारायणगढ बजारमा मापदण्डविपरीत निर्माण गरिएका संरचना शुक्रबार भत्काइँदै। यो सडक खण्डमा सडक विस्तार गरी छ लेनको बनाउने कार्य भइरहेको छ। तस्बिरः कृष्ण आचार्य/रासस
बेत्रावतीस्थित उत्तरगयाधाममा श्राद्ध गर्न आएकाको घुइँचो । नुवाकोट र रसुवाको सङ्गमस्थल बेत्रावतीस्थित उत्तरगयाधाममा शुक्रबार पौष कृष्ण औंसीका दिन श्राद्ध गर्न आएकाहरूको घुइँचो। कोरोना लगायत कारणले विगतका वर्षमा श्रद्धालुको संख्या कमी भए पनि यो पटक भने श्राद्ध गर्नेको संख्या उल्लेख्य वृद्धि भएको छ। तस्बिरः नवदीप श्रेष्ठ/रासस
चौरमा पढ्दै बालबालिका । सप्तरीको हनुमाननगर कंकालिनी नगरपालिका–११, इनरुवास्थित दलित राष्ट्रिय आधारभूत विद्यालयका विद्यार्थी विद्यालय परिसरको चौरमा घाममा बसेर पढ्दै। दुई/तीन दिनदेखि तराई–मधेसमा बढेको चिसोका कारण जनजीवन प्रभावित भएको छ। तस्बिर: अरुणकुमार यादव/रासस
-copy-1732085934.jpg )
