आजका तस्बिर- असोज २९

दौड । पोखरामा जारी नवौं राष्ट्रिय खेलकुदअन्तर्गत महिला १० हजार मिटर दौडमा सहभागी खेलाडी। यसमा बागमती प्रदेशकी सन्तोषी श्रेष्ठले स्वर्ण जितेकी छिन्। तस्बिर: सुसन चौधरी/ सेतोपाटी

जोखिम । लगातार अविरल वर्षाले काठेपुल बगाएपछि जुम्लाको तातोपानी गाउँपालिका– ४ स्थित गिडीखोलाका स्थानीयबासी अस्थायी काठेपुलबाट आफ्नो गन्तव्यतर्फ जाँदै। तस्बिर: विजय रावत/रासस

दृश्य । ललितपुरको लाकुरीभञ्ज्याङ पुगेका नेकपा (एमाले) का अध्यक्ष केपी शर्मा ओली काठमाडौंको दृश्य दुर्बिनबाट हेर्दै। तस्बिर: केपी शर्मा ओलीको सचिवालय।

बाढीको क्षती । कैलालीको टीकापुर-५ का बाढी पीडित बाढीले क्षति गरेको धानबाली काटेर कर्णाली नदी किनारमा सुकाउँदै। टीकापुरमा २० प्रतिशत धानबाली क्षति भएको पालिकाले जनाएको छ। तस्बिर: दुर्गा देबकोटा/रासस