ऋषि पञ्चमीको सेल्फी । ऋषि पञ्चमीको अवसरमा बिहीबार बागमती नदी किनारमा सेल्फी लिँदै महिलाहरू। हरेक वर्ष भाद्र शुक्ल पञ्चमीको दिनमा सप्तर्षिहरुको पूजा आराधना गरेर यो पर्व मनाइन्छ। तस्बिरः नवीनबाबु गुरूङ/सेतोपाटी
'सिते बा' काठमाडौंबाट चुनाव लड्ने । ‘सक्किगोनि’ हाँस्य टेलिश्रृंखलाका कलाकार मधुसुदन पाठक (सिते बा) काठमाडौंबाट चुनाव लड्ने भएका छन्। आगामी मंसिर ४ मा हुने चुनावमा उनी काठमाडौं क्षेत्र नम्बर ५ मा उम्मेदवार हुन लागेका हुन्। तस्बिर: नवीनबाबु गुरूङ
बारेकोटमा भेडापालन । जाजरकोट बारेकोट गाउँपालिका–४ चौंथारी पाटनमा रहेको चरिचरण क्षेत्रमा चर्दै भेडा। बारेकोटका स्थानीयले व्यवसायका रूपमा पशुपालन गर्दै आएका छन्। तस्बिर: हेमन्त केसी/रासस
शालिग्रामको संरक्षण । बागलुङ नगरपालिका–४ स्थित भूमिगत रूपमा बनाइएको श्रीधराचार्य शालिग्राम संग्रहालयमा संरक्षण गरेर राखिएको शालिग्राम। संग्रहालयमा एक लाख बढी शालिग्राम राखिएको छ। तस्बिर: खेमराज गौतम,रासस
बिपीको चित्र कोर्दै चित्रकार । नेपाली कांग्रेसका संस्थापक बिपी कोइरालाको चित्र कोर्दै बागलुङ नगरपालिका वडा नम्बर २ का चित्रकार मछिन्द्र शाक्य। शाक्य विगत ३१ वर्षदेखि बागलुङमा चित्र कोर्ने काम गर्दै आएका छन्। तस्बिर: डम्मर बुढा मगर बागलुङ/रासस
-copy-1732085934.jpg )
