बिरूवा रोप्दै । कृष्णपुर नगरपालिका– २ वाणिमा जिल्ला वन समन्वय समितिले तयार गरेको जडिबुटीजन्य बिरूवाको नर्सरीमा पोलिव्यागमा बिरूवा रोप्दै गरेकी महिला मजदुर। सामुदायिक वन र उपभोक्तालाई बिरूवा रोपणका लागि उपलब्ध गराउनका लागि समितिले नर्सरी तयार गरेको छ। तस्बिर:राजेन्द्रप्रसाद पनेरु/रासस
राजमार्ग विस्तारका लागि खनिएको भित्ता । पृथ्वी राजमार्गअन्तर्गत मुग्लिन पोखरा सडक विस्तारका लागि तनहुँको व्यास नगरपालिका–१२ घाँसीकुवा नजिक खनिएको भित्ता। राजमार्ग विस्तारका लागि सडक छेउछाउका भित्ता खन्ने काम तीव्र भइरहेको छ। तस्बिर: कृष्ण न्यौपाने/रासस
मेलम्ची नदीमा तटबन्धन । मेलम्ची बजारलाई मेलम्ची नदी नियन्त्रण तथा बस्ती संरक्षणको लागि तटबन्धन निर्माण गरिँदै। गत वर्ष वर्षायाममा आएको बाढीले यस क्षेत्रमा धेरै जनधनको क्षति गरेको थियो। तस्बिरः देवराज सुवेदी/रासस
बगरमा सिमसाग टिप्दै । हेलम्बु गाँउपालिका किउलको मेलम्ची खोला बगरमा सिमसाग टिप्दै स्थानीय। सिमसागमा विभिन्न औषधीय गुण हुने बताइन्छ। तस्बिरः देवराज सुवेदी/रासस
पुल तर्दै भरिया । सङ्खुवासभाको खाँदबारी नगरपालिका–९ तुम्लिङटारस्थित सतिघाटमा खाद्य सामग्री बोकेर पुल तर्दै भरिया। सङ्खुवासभा-भोजपुर जोड्ने अरूण नदीमा पक्की पुल नहुँदा बोकेर खाद्यान्न ढुवानी गरिँदै आएको छ। तस्वीर:भविन कार्की ,रासस
-copy-1732085934.jpg )
