आजका तस्बिरहरू- वैशाख १४

बागमती नदीको उद्गमस्थल मानिने शिवपुरी डाँडामा रहेको पानीको मूल धारा। यस ठाउँलाइ बागद्वार पनि भनिन्छ। तस्विरः नवीनबाबु गुरूङ/सेतोपाटी । बागद्वार

नायल तालमै रहेका रूखको रोमाञ्चक दृश्य । कञ्चनपुर, कैलाली र डडेल्धुराको सीमा क्षेत्रको चुरेमा अवस्थित नायल तालमै रहेका रूखको रोमाञ्चक दृश्य। यो ताल धार्मिक र पर्यटकीय दृष्टिकोणले महत्वपूर्ण रहेको छ। तस्वीर:राजेन्द्रप्रसाद पनेरु, रासस

सेनाको गस्ती । निर्वाचनको समय नजिकिँदै गर्दा सदरमुकाम खलङ्गास्थित महाकाली नगरपालिका क्षेत्रमा सेनाले गस्ती गर्दै। निर्वाचनमा शान्ति सुरक्षाको अवस्थाबारे सेनाले गस्ती निकालेको हो। तस्वीर: नरेन्द्रसिह कार्की/रासस

मतदान केन्द्रतिर लागे म्यादी प्रहरी । यही वैशाख ३० गते हुने स्थानीय तह चुनावको सुरक्षार्थ बागलुङमा खटिएका म्यादी प्रहरी बुधबार बन्दोबस्तीसहित मतदान केन्द्रतिर जाने तयारीमा। तस्वीर: रामबहादुर थापा/रासस