आजका तस्बिर- वैशाख १

नयाँ वर्षको रौनक । आजदेखि विक्रम संवत् २०७९ साल सुरू भएको छ। आज वैशाख १ गते नयाँ वर्षको पहिलो दिन नेपालभर आपसमा शुभकामना आदानप्रदान गरी मनाइएको छ। तस्बिर: नवीनबाबु गुरूङ

सरस्वती पोखरीमा आन्तरिक पर्यटक । काभ्रेपलाञ्चोकको धुलिखेलस्थित सरस्वती बजारमा रहेको पोखरीमा बिहीबार नयाँ वर्षका दिन रमाइलो गर्दै आन्तरिक पर्यटक। तस्वीर: पेमा लामा, रासस

हिलो खेल्दै । नयाँ वर्ष अर्थात् सिरुवा पर्वका अवसरमा बिहीबार झापाको कमल-६ स्थित जिम्दार महाराजथानमा हिलो खेलेर रमाइलो गर्दै स्थानीय युवा। तस्वीर: यज्ञराज आङदेम्बे, रासस

पुनर्निर्माणको अन्तिम चरणमा नारायणहिटी संग्रहालयका भवन । विसं २०७२ वैशाख १२ को भूकम्पले क्षतिग्रस्त नारायणहिटी दरबार संग्रहालयको नारायण मन्दिरको भाग पुनर्निर्माण अन्तिम चरणमा। नारायण मन्दिरबाट संग्रहालय छिर्ने भवन भूकम्पले क्षतिग्रस्त बनेको थियो। तस्बिर: पूर्णप्रसाद मिश्र/रासस