आजका तस्बिरहरू- फागुन १८

नेपाली ब्रान्ड । काठमाडौंको नक्सालमा घरेलु प्रविधिद्वारा निर्मित ऊनको डल्लो सुकाउँदै एक मजदुर। यो ऊनको डल्लो अमेरिका, युरोपलगायतका मुलुकमा निर्यात गरिन्छ। तस्बिरः नवीनबाबु गुरूङ/सेतोपाटी

विरोध निरन्तर । बुधबार बसेको प्रतिनिधि सभाको बैठकमा विरोध जनाउँदै प्रमुख प्रतिपक्षी दल नेकपा एमालेका सांसदहरू। तस्बिरः निशा भण्डारी/सेतोपाटी

जोखिमपूर्ण यात्रा । भोजपुरको षडानन्द नगरपालिकाको मोठेटारबाट खाँदबारी तुम्लिङटार पढ्न आउने विद्यार्थी अरूण नदीमा डुङ्गाबाट जोखिमपूर्ण यात्रा गर्दै। सङ्खुवासभा र भोजपुर जोड्ने लम्सुवाघाटको पक्की पुल विगत १२ वर्षदेखि बन्न नसक्दा दुवै जिल्लाका स्थानीय यसरी नै जोखिमपुर्ण यात्रा गर्न बाध्य छन्। तस्वीरः सुजन बज्राचार्य/रासस