आजका तस्बिरहरू- फागुन ८

आन्दोलन । काठमाडौंको नयाँ बानेश्वर क्षेत्रमा आइतबार एमसिसीको विरोध गर्दै प्रदर्शनमा उत्रिएकामाथि पानीको फोहरा र अश्रुग्यास प्रहारपछि प्रहरीमाथि ढुंगा प्रहार गर्दै। तस्बिरः नवीनबाबु गुरूङ

बारीमा हुर्किन थालेका बन्दा । गुल्मीको धुर्कोट गाउँपालिका–४ जैसिथोकका तुल्सिराम कुँवरको बारीमा हुर्किन थालेका बन्दा। पछिल्लो समय युवाहरू व्यवसायिक कृषि खेतीतर्फ आकर्षित भएका छन्। तस्वीर:हुमाकान्त पोखरेल, रासस

राष्ट्रिय परिचय पत्र बनाउनेको भीड । जिल्ला प्रशासन कार्यालय मोरङको प्राङ्गणबाहिर आइतबार राष्ट्रिय परिचय पत्र एवं नागरिकता बनाउन नागरिकहरूको भीड। तस्वीर: मनोज दाहाल, रासस

किसानको दैनिकी । बागलुङको तमानखोला गाउँपालिका–२ मुठाचौरका किसान आलु खेतीका लागि बारीमा प्राङ्गारिक मल छर्दै। त्यहाँको मुख्य बाली आलु हो। तस्वीर: रामबहादुर थापा, रासस