आजका तस्बिर- माघ २२

अवलोकन । गृहमन्त्री बालकृष्ण खाण हेलम्बु गाउँपालिका २ र ७ वडा जोड्न, चनौटेमा नेपाली सेनाले निर्माण गरेको मेलम्ची खोला पुल (बेलिब्रिज) को शनिबार उद्घाटनपछि बाढीले क्षति पुर्‍याएका घरहरू अवलोकन गर्दै। तस्वीर:रत्न श्रेष्ठ, रासस

मकर स्नान मेलामा भक्तजन । काभ्रेपलाञ्चोकको पनौती नगरपालिका वडा नं ६ र ७ को सङ्गमस्थल त्रिवेणीघाट क्षेत्रमा माघ १ गतेदेखि सञ्चालन भइरहेको बाह्र बर्षे मकर मेला स्नानका लागि सहभागी भएका भक्तजन । तस्वीर: प्रदिपराज वन्त, रासस

मेयर साह कांग्रेस प्रवेश । कपिलवस्तुको कृष्णनगर नगरपालिकाका मेयर रजत प्रताप साह शनिबार नेपाली कांग्रेसमा प्रवेश गर्ने क्रममा मेयर साहलाई कांग्रेस लुम्बिनी प्रदेश सभापति अमरसिंह पुन, प्रतिनिधि सभा सदस्य अभिषेक प्रताप शाह लगायतले माला लगाएर स्वागत गर्दै। तस्वीर: माधव बेल्वासे, रासस

मौसममा सुधार आएसँग देखिएको डडेल्धुराको बागबजार । बिहीबारदखि परेको हिमपातपछि आज शनिबार मौसम खुलिएसँगै देखिएको जिल्ला सदरमुकाम डडेल्धुरा बागबजारमा रहेको हिउँ। तस्वीर: धनबहादुर भण्डारी/रासस