आजका तस्बिर-माघ १९

मसाल जुलुस । पेट्रोलियम पदार्थमा गरिएको मूल्यवृद्धि फिर्ता लिन माग गर्दै नेकपा (माओवादी केन्द्र) निकट विद्यार्थी संगठन अखिल (क्रान्तिकारी) ले विरोध प्रदर्शन गरेको छ। बुधबार साँझ उसले मूल्यवृद्धिविरूद्ध ललितपुरमा मसाल जुलुस निकालेको हो तस्बिर: निशा भण्डारी

जीर्ण बन्दै धुञ्चेस्थित त्रिशूली खोलामाथिको पुल । गोसाइँथान जाने धार्मिक मार्गको एक मात्र धुञ्चेस्थित त्रिशूली खोलामाथिको करिब ३५ वर्ष पुरानो जीर्ण बन्दै गएको झोलुङ्गेपुल। वर्षमा लगभग २५ हजारभन्दा बढी यात्रु आवतजावत गर्ने सो पुल समयमै मर्मत गरिदिन सम्बन्धित निकायलाई स्थानीयबासीले आग्रह गरेका छन्। तस्बिरः ज्ञानेन्द्र न्यौपाने/रासस

बिक्री गर्दै बाँसका सामग्री । दाङको घोराही–१० नारायणपुरमा बाँसबाट बनेका छिटुवा किन्दै महिला। छिटुवा सानोको प्रतिगोटा २०० रुपैयाँ र ठूलोको २५० रुपैयाँमा बिक्री गरिन्छ। तस्बिर: रञ्जिता अधिकारी/रासस

गुन्द्री बुन्दै । स्याङ्जाको वालिङ–१४ तमादीकी भगवती लुइँटेल परालको गुन्द्री बुन्दै। पछिल्लो समय प्लास्टिकका गुन्द्री, म्याटलगायत सामग्रीले परालको गुन्द्रीलाई विस्थापित गर्दै गइरहेको छ। तस्बिर: तोलाकान्त बगाले/रासस