नेपाली काँग्रेसका नेता रामचन्द्र पौडेलले लोकतन्त्रको जग स्थापना गर्न स्थानीय तहको निर्वाचन जरुरी भएकाले सबैको सहभागितामा निर्वाचन सफल बनाउनुपर्नेमा जोड दिएका छन्।
नेपाली काँग्रेस बाँकेद्वारा शनिबार नेपालगन्जमा आयोजित चुनावी सभालाई सम्बोधन गर्दै उनले संविधान कार्यान्वयनको पहिलो खुट्किलो भएकाले स्थानीय तहको निर्वाचन सफलतापूर्वक सम्पन्न गर्दै समृद्धितर्फ मुलुकलाई अघि बढाउनुपर्ने आग्रह गरे।
‘काँग्रेसले जिते मुलुकको नै जित हुन्छ’, नेता पौडेलले भने, ‘हिमाल, पहाड र मधेसलाई जोड्ने पार्टी काँग्रेस नै हो, संविधानको सफल कार्यान्वयनका लागि काँग्रेसको जित जरुरी छ।’ रासस
