अन्तर्राष्ट्रिय स्तरमा पर्यटन प्रवर्द्धन गर्न पर्यटन बोर्ड र वायु सेवा निगमबीच समझदारी पत्रमा हस्ताक्षर भएको छ।
समझदारी अनुसार बोर्डले विदेशी पर्यटन मेलाहरू, फ्याम ट्रिप, डिजिटल क्याम्पेन र प्रचार–प्रसार कार्यक्रममा नेपाल एयरलाइन्सलाई ‘पार्टनर एयरलाइन’ का रूपमा सहभागी गराउनेछ।
निगमले पनि प्रवर्द्धन सामग्री बोक्ने सुविधा, टिकट र संयुक्त कार्यक्रमका लागि सहयोग उपलब्ध गराउनेछ।
समझदारीपत्र हस्ताक्षरपछि बोर्डका प्रमुख कार्यकारी अधिकृत (सिइओ) दीपक राज जोशीले सहकार्यलाई नेपालको अन्तर्राष्ट्रिय छवि तथा बजार पहुँच विस्तारका लागि ऐतिहासिक कदम भएको बताए।
‘दुवै संस्थाबीचको यो रणनीतिक साझेदारीले ‘नेपाली ब्रान्ड’ लाई विश्वभर उच्चतम प्रचार र प्रबर्द्धन गर्न टेवा पुग्नेछ,’ उनले भने, ‘विमानस्थलदेखि गन्तव्यसम्म एकीकृत प्रवर्द्धनले नेपालको पहिचान थप स्पष्ट र प्रभावकारी बन्छ।
उनले सहकार्यलाई दिगो पर्यटन विकासका लागि महत्वपूर्ण हुने बताए।
फ्याम ट्रिप, मेगा–इभेन्ट, डिजिटल क्याम्पेनदेखि अन्तर्राष्ट्रिय मेलासम्मका गतिविधिमा हुने संयुक्त प्रयासले नेपालको पर्यटन क्षेत्रलाई नयाँ उचाइमा पुर्याउने उनको भनाइ छ।
-1746009348.jpg)
