सुनको मूल्य सोमबार तोलामा २ सय रुपैयाँले घटेको छ।
नेपाल सुनचाँदी व्यवसायी महासंघका अनुसार अघिल्लो दिन प्रतितोला ५८ हजार ९ सय रुपैयाँ रहेको सुन आज ५८ हजार ७ सय कायम भएको छ।
विगत तीन दिनमा भने पाँच सय रुपैयाँले सुनको मूल्य घटेको छ। यसअघि गत शुक्रबार ५९ हजार २ सय रुपैयाँमा सुनको कारोबार भएको थियो।
चाँदीको मूल्य आज स्थिर रहेको छ। प्रतितोला ७७० मा चाँदीको कारोबार भइरहेको महासंघले जनाएको छ। यसअघि शुक्रबार ७८० मा चाँदीको कारोबार भएको थियो।
