चिनियाँ स्मार्टफोन ब्राण्ड भिभोले भि सिरिज अन्तर्गतको फ्ल्यागसिप भिभो भि–६० स्मार्टफोन नेपाली बजारमा सार्वजनिक गरेको छ।
फोनमा ६.७७ इञ्चको इक्वेल क्वाड–कर्भ डिस्प्ले राखिएको छ। यसमा डायमण्ड शिल्ड ग्लास प्रयोग गरिएको छ।
भिभो भि–६० मा जाइस् प्रविधियुक्त क्यामरा तथा आर्कषक डिजाइन छ। फोनमा ५० मेगापिक्सलको जाइस् सुपर टेलिफोटो क्यामरा छ, जसले टाढाबाट पनि स्पष्ट पोट्रेट खिच्न सघाउँछ।
त्यस्तै, ८ मेगापिक्सलको जाइस् अल्ट्रा वाइड एंगल क्यामरा र ५० मेगापिक्सलको जाइस् ग्रुप सेल्फी क्यामरा छ। यी सबैलाई अल्ट्रा क्लियर फोर के भिडिओ र सुधारिएको एआई औरा लाइट सिस्टमले प्रभावकारी बनाएको छ, जसले कम प्रकासमा समेत गुणस्तरीय फोटो तथा भिडिओ लिन सकिन्छ।
फोनमा एआई फिचर समेत समावेश गरिएको छ। यो फोन मिस्ट ग्रे र बेरी पर्पल गरी दुई रङमा उपलब्ध छ।
फोनमा ६ हजार पाँच सय एमएएचको ब्याट्री जडान गरिएको छ। ग्राहकले फोन भदौ १३ गतेदेखि १६ गतेसम्म प्रि–बुकिङ गर्न सक्नेछन्। प्रि–बुकिङ गर्ने ग्राहकले भिभो इयरबड् पाउनेछन्।
भदौ १७ गतेदेखि भिभोको आधिकारिक स्टोरहरूका साथै दराज अनलाइनबाट किन्न सकिन्छ।
फोन १२जिबी/२५६ जिबी र १२जिबी/५१२ जिबी गरी दुई क्षमतामा पाइन्छ। जसको मूल्य क्रमशः ७० हजार ९ सय ९९ र ७५ हजार ९ सय ९९ रूपैयाँ तोकिएको छ।
कम्पनीले उपभोक्तालाई सरल इएमआई सुविधा पनि दिएको छ। जसअन्तर्गत ४० प्रतिशत डाउनपेमेन्टमा एक वर्षसम्म किस्तामा भुक्तानी गर्न सकिने छ।
यस बाहेक ग्राहकले आफूसँगै भएको नयाँ तथा पुराना फोनसँग पनि भि–६० साट्न सक्नेछन्।
-1755241369.jpg)
-1746009348.jpg)
