सरकारले सामाजिक सञ्जाल सूचीकरणका लागि पुन: आह्वान गर्ने भएको छ।
गत सोमबार बसेको मन्त्रिपरिषद बैठकले सामाजिक सञ्जालको प्रयोगलाई व्यवस्थित गर्नेबारे कदम चाल्ने निर्णय गरेको हो।
‘सामाजिक सञ्जालको प्रयोगलाई व्यवस्थित गर्ने निर्देशिका, २०८० तथा सर्वोच्च अदालतको आदेशबमोजिम सामाजिक सञ्जाल सञ्चालकलाई जिम्मेवार तथा जबाफदेही बनाउन सात दिनको म्याद दिई सञ्चार तथा सूचना प्रविधि मन्त्रालयमा सूचीकरणको लागि सार्वजनिक रूपमा आह्वान गर्ने’ मन्त्रिपरिषदले निर्णय गरेको सरकारका प्रवक्ता पृथ्वीसुब्बा गुरूङले बताए।
तोकिएको अवधिमा सूचीकरण हुन नआउने वा सूचीकरणको लागि सम्पर्कमा समेत नआउने सामाजिक सञ्जाललाई क्रमशः नेपालभित्र निष्क्रिय गराउने सरकारको तयारी छ।
-1746009348.jpg)
