नेपाल टेलिकमले 'आइसिटी डे अफर' सार्वजनिक गरेको छ।
टेलिकमले राष्ट्रिय सूचना तथा सञ्चार प्रविधि दिवस २०२३ को अवसरमा उक्त अफर उपलब्ध गराएको बताएको छ।
सो अवसरमा कम्पनीले भ्वाइस र डाटा प्याकेज उपलब्ध गराएको छ। यो अफर आज (आइतबार) देखि सुरू भएको छ र वैशाख १९ गतेसम्म लागू हुने बताइएको छ।
यस अन्तर्गत ४९ रुपैयाँमा १ दिन चलाउन सकिने १ एमबिपिएस अनलिमिटेड डेटा र नेपाल टेलिकमकै नेटवर्कभित्र कल गर्न सकिने १०० मिनेट अन नेट भ्वाइस सेवा उपलब्ध रहेको टेलिकमको भनाइ छ।
यसैगरी डेटा प्याकेज अन्तर्गत ९८ रुपैयाँमा ३ दिन चलाउन सकिने ६ जिबी डेटा, १९९ रुपैयाँमा ७ दिन चलाउन सकिने १३ जिबी डेटा, २९४ रुपैयाँमा १० दिन चलाउन सकिने २० जिबी डेटा र ३९९ रुपैयाँमा १५ दिन चलाउन सकिने ३० जिबी डेटा प्याकेज उपलब्ध रहेको बताइएको छ।
