न्यू इनर्जी भेइकल (एनइभी) निर्माता लिपमोटरले हालसम्म ९ लाख सवारी वितरण गरेको घोषणा गरेको छ। यो उपलब्धीले कम्पनीलाई विश्वव्यापी विद्युतीय सवारीसाधन बजारमा तीव्र उन्नतिको चरणमा पुर्याएको छ।
यस वर्षको पहिलो छ महिनामा लिपमोटरले अभूतपूर्व कारोबार गर्दै घरेलु तथा अन्तर्राष्ट्रिय दुवै बजारमा आफ्नो सशक्त उपस्थितिलाई थप मजबुत बनाएको छ।
हालै कम्पनी ‘फोच्र्युन चाइना ५००’ सूचीमा पहिलोपटक स्थान पाउन सफल भएको छ।
लिपमोटरले स्तेलान्टिससँगको साझेदारीमार्फत लिपमोटर इन्टरनेसनल नामक संयुक्त उद्यम स्थापना गरी अन्तर्राष्ट्रिय बिक्री र वितरण व्यवस्थापनलाई विस्तार गरेको छ।
हाल कम्पनीले युरोप, मध्यपूर्व, अफ्रिका र एशिया–प्रशान्त क्षेत्रका ३० भन्दा बढी बजारमा प्रवेश गरिसकेको छ। विश्वभरका ६०० भन्दा बढी बिक्री तथा सेवा केन्द्रमार्फत कम्पनीले आफ्नो पहुँचलाई मजबुत पारेको छ।
नेपालमा पनि लिपमोटरले आकर्षक डिजाइन, आधुनिक सुविधा र किफायती मूल्यका कारण ग्राहकको ध्यान तानेको छ। कम्पनीका तीन मोडलः सि–१०, बि–१० र टि–०३ नेपाली बजारमा उपलब्ध छन्।
-1746009348.jpg)
