पछिल्लो समय सरकारी तथा गैर–सरकारी क्षेत्रबाट राम्रो सहयोग पाउन थालेपछि जिल्लामा चिया प्रशोधन कारखाना स्थापना हुन थालेका छन् ।
ठूला उद्योगले हरियो चियाको मूल्य उचित मूल्य नदिएका कारण विभिन्न सङ्घ÷संस्थाको आर्थिक सहयोगमा यस्ता उद्योग स्थापना भएका हुन् ।
चिया उत्पादन मात्र गर्नुभन्दा प्रशोधन समेत गरेको चियाको उचित मूल्य पाइने भएकाले जिल्लामा प्रशोधन केन्द्र स्थापना हुन थालेको केन्द्रीय चिया सहकारी सङ्घका महासचिव रवीन राईको भनाइ छ ।
जिल्लामा आठ उद्योगमध्ये साउनयता मात्रै सहकारीमार्फत चार प्रशोधन उद्योग स्थापना भएका छन् । निजी कम्पनीका रुपमा मात्र स्थापना हुने चिया प्रशोधन केन्द्रसमेत पछिल्लो समय सहकारीमार्फत सञ्चालन हुन थालेका जिल्ला चिया उत्पादक सहकारी संस्थाका सचिव बेदनिधि पोख्रेलले बताए।
जिल्लामा व्यावसायिक रुपमा तीन हजार ३९३ हेक्टर क्षेत्रफलमा चियाखेती हुने गरेकामा वर्षिक १५ हजार ९७१ मेट्रिक टन चिया उत्पादन हुने चिया तथा कफी विकास बोर्डको तथ्याङ्मा उल्लेख छ ।
-1746009348.jpg)
