भारतको हैदरावादमा कार अनियन्त्रित भई फ्लाईओभरबाट खस्दा एक जनाको मृत्यु भएको छ।
शनिबार हैदरावादको नयाँ फ्लाईओभरबाट तल्लो सडकमा खस्दा पैलयात्रीको मृत्यु भएको छ भने ६ जना घाइते भएका छन्।
तीव्र गतिमा रहेको कार अनियन्त्रित भई खसेको सिसिटिभीमा कैद छ। फुटेजमा कारको छाया उडेर आएको र केही सेकेन्ड पछि तल्लो सडकमा बजारिन पुगेको देखिन्छ।
कार दुर्घटना भएको ठाउँमा मोटरसाईकलमा सवार दुई जनाले भागेर ज्यान जोगाएका थिए। भयानक दुर्घटनामा परेका कार चालकको भने ज्यान जोगिएको छ।
दुर्घटना बारे थप अनुसन्धान भइरहेको ईण्डिया टुडेले जनाएको छ।
