अमेरिकाको लस भेगस शहरस्थित एउटा क्यासिनोमा अन्धाधुन्धा गोली हानाहान हुँदा २ जनाको मृत्यु भएको छ भने २४ जना घाइते भएका छन्। प्रत्यक्षदर्शीहरूका अनुसार अाइतबार राती म्याण्डले बे क्यासिनोको माथिल्लो तल्लाबाट गोली हानिएको थियो ।
अन्तराष्ट्रिय सञ्चार माध्यमका अनुसार अाइतबार करीब १० बजे राती एउटा सांगीतिक कार्यक्रम भइरहँदा फायरिङ भएको थियो । कार्यक्रममा सहभागी भएका मानिसहरू भने गोली चलेको आवाज सुनेपछि सुरक्षित ठाउँमा लुक्न गएका थिए।
घाइतेलाई उपचारका लागि अस्पतालमा लगिएको प्रहरीले जनाएको छ ।
विस्तृत विवरण अाउन बाँकी छ ।
(अन्तराष्ट्रिय सञ्चारमाध्यमको सहयोगमा) 
