बलिउड अभिनेता रणवीर सिंह र अभिनेत्री दीपिका पादुकोनको प्रेमको बारेमा सबैलाई थाहा छ। उनीहरु लामो समयदेखि प्रेममा छन्।
उनीहरुको जोडी फिल्ममा र रियल लाईफमा पनि दर्शक र शुभचिन्तकले खुबै मन पराउँछन्। उनीहरुको ब्रेकअप भएको खबर र विवाहको खबर धेरैपटक मिडियामा आइसकेको छ। तर जे भएपनि उनीहरुको साथ आजसम्म पनि मजबुत देखिएको छ।
केही दिन अगाडी यो जोडीको एक भिडियो भाइरल भएको छ जसले उनीहरुबीचको प्रेमलाई दर्शाउँछ।
अहिले दीपिका आफ्नो परिवारको साथमा बेंगलुरुमा विदा मनाइरहेकी छन्। उनको फिल्म पद्मावतीको शुटिङ पनि सकिएको छ।
दीपिका केही दिन अगाडी लण्डनमा पनि विदा मनाउन पुगेका थिए, जहाँ रणवीर पनि पुगेका थिए।
दीपिकाले लण्डनमा छुट्टी मनाएपछि एउटा कमेडी शो मा सहभागीता जनाएकी थिइन्।
सधैंजसको निकै सुन्दर देखिने दीपिकाको हातमा भने यसपटक अंगुठी देखिएपछि मिडियामा अनेक अड्कल बाजी चलेको छ।
यो जोडीले लण्डनमा लुकेर इन्गेजमेन्ट गरेको जनाइएको छ। तर यो कुराको पुष्टि भने हुन सकेको छैन।
