नोवेल पुरस्कार विजेता मलाला युसुफजईले २ महिना अगाडी मात्रै ट्वीटर ज्वाइन गरेकी हुन्। त्यसपछि उनी आफ्ना हरेक महत्वपुर्ण कुरा सामाजिक सञ्जालमा पोष्ट गर्दै आइरहेकी छन्। हालै शुक्रबार मलालाले बलिउड अभिनेत्री प्रियंका चोपडासँगको तस्वीर पोष्ट गरेकी छन्।
युनिसेफकी गुडवील एम्बेसडर चोपडा संयुक्त राष्ट्रसंघको महासभामा ग्लोबल गोल्स अवाईमा सहभागी हुन पुगेकी थिइन्। यस बीचमा मलाला पनि त्यहाँ पुगेकी थिइन्। यसैवीचमा मलालाले प्रियंकासँगको तस्वीर साझा गर्दे लेखेकी छन्,‘मलाई विश्वास लागेको छैन की मैले प्रियंकालाई भेटेकी छु।’
मलालाको ट्वीटलाई प्रियंकाले पनि प्रतिक्रिया दिँदै भनिन्,‘ ओह मलाला, मलाई विश्वास लागेको छैन की म तिमीसँग भेट्न पाएँ। यति ठुलो मन भएकी सानी केटी हौ।’ उनले मलालाई सानो उमेरमा यति ठुलो प्राप्तीको लागि गर्व महसुस भएको बताइन्।
प्रियंकाले पनि आफ्नो इन्स्टाग्राममा मलालासँग एक तस्वीर पोष्ट गर्दै लामो क्याप्सन लेखेकी छन्। प्रियंकाले मलालाको बारेमा उपन्यास लेख्न सक्ने बताइन्।
