भारतीय रियालीटि शो 'बिग बोस ११' को सिजन अब अक्टोवरबाट शुरु हुने भएको छ। अहिले 'बिग बोस'को चर्चा चुलिएको छ। यस शो लाई सञ्चालन गर्ने सलमान खान र सहभागीहरुको कारण 'बिग बोस' हेर्न दर्शकहरु निकै उत्साहित छन्।
'बिग बोस'को ११ औं सिजनमा को को सहभागी हुन्छन् भन्ने उत्सुकता कायम नै छ। यसै उत्सुकतालाई हटाउँदै बिग बोसले आफ्नो पहिलो सहभागीको लुक ट्वीटरमा सार्वजनिक गरेको छ। यस ट्वीटमा सहभागीको एक तस्वीर राखिएको छ जसमा उनको आँखा मात्र देख्न सकिन्छ।
तर 'बिग बोस'ले ती सहभागीको न नाम बताएका छन् न कुनै जानकारी दिएका छन्। तस्वीर देखेरै सबैले अहिले उनी को हुन भनी अड्कल काट्न थालिएको छ। कसैले उनलाई टर्की लेखिका बेटुल एल्डओन बताएका छन् भने कसैले उनलाई विदेशी मोडल हलिमा मतलुब भएको बताएका छन्।
यसैगरि 'बिग बोस'ले अर्को सहभागीको पनि तस्वीर सार्वजनिक गरेका छन्। उनको पनि न नाम न कुनै जानकारी दिइएको छ। तस्वीरमा उनको अनुहारलाई छोपिएको छ। यसबारेमा पनि मानिसहरु अनेक अनुमान लगाएका छन्।
यस वर्ष ‘बिग बोस ११’ अक्टोवर १ तारिखबाट कर्लस च्यानलबाट शुरु हुने भएको छ। यसपटक पनि सामान्य मानिस र सेलिब्रेटीबिच प्रतिस्पर्धा हुनेछ। तर यो पटकभने केही चिज परिवर्तन भएका छन्। जस्तो शो मा आफ्नै दिदि भाई, बुवा छोरा, आमा छोरी, एक अर्कालाई टक्कर दिनेछन्।
