रणवीर कपूर, वाणी कपूर र सञ्जय दत्त स्टारर फिल्म ‘शमशेरा’ सन् २०२२ को बहुप्रतिक्षित फिल्म मध्ये एक हो।
आगामी जुललाई २२ मा रिलिज हुन लागेको फिल्मको पोस्टर लिक भएको छ।
भारतीय मिडियाका अनुसार शमशेरामा रणवीर कपूरको लुक सार्वजनिक भएको हो।
यो पोस्टरमा रणवीर कपुर निकै डरलाग्दो रूपमा देखिएका छन्। यद्यपि फिल्मको पोस्टर आधिकारिक रूपमा रिलिज गरिएको छैन। सामाजिक सञ्जालमा फिल्मको पोस्टर रिलिज हुनुअघि नै लिक भएको दाबी गरिएको छ।
यद्यपि यो अफिसियल पोस्टर नभई फ्यानले बनाएको पोस्टर हुन सक्ने सम्भावना पनि उठेको छ।
अहिले यो पोस्टर सामाजिक सञ्जालमा निकै भाइरल भइरहेको छ। यो पोस्टर हेरेर कसैले रणबीर कपूरको तारिफ गरिरहेका छन् भने कोही रणवीर कपूरको लुकलाई थारः लभ एन्ड थन्डरको पोस्टरसँग तुलना गरिरहेका छन्। योसँगै धेरैले यसलाई पब्लिसिटी स्टन्ट भनेका छन्।
हालै निर्माण पक्षले फिल्मको रिलिज मितिसँगै टिजर सार्वजनिक गरेको छ। करिब एक मिनेटको मोनोक्रोमेटिक टिजरमा तीन जना कलाकारहरू हतियारले घेरिएको मधुरो उज्यालो ठाउँको बिचमा बसेका देखिन्छन्।
टिजरमा सञ्जय दत्तले भनेका छन्, ‘यो कथा उसको हो जसले भनेको छ- न कसैको गुलामी राम्रो छ, न अरूको, न त हाम्रा नजिकका मान्छेहरूको। यो कहानी उसैको हो, जसले आफ्नो बुबाको विरासतमा स्वतन्त्रताको सपना देखेको छ।’
यशराज ब्यानरको निर्माण भएको ‘शमशेरा’लाई करण मल्होत्राले निर्देशन गरेका हुन् । चलचित्रलाई ऐतिहासिक कथावस्तुमा निर्माण गरिएको छ । फिल्ममा आशुतोष राणा, सौरभ शुक्ला र रोनित रोयको पनि अभिनय रहेको छ।
