बलिउड अभिनेता अजय देवगन अभिनीत फिल्म 'शैतान' ओटिटीमा रिलिज भएको छ।
४ मेमा यो फिल्म नेटफ्लिक्समा रिलिज भएको हो। हलमा राम्रो कमाइ गरेको फिल्मले ओटिटीमा पनि दर्शकको साथ पाइरहेको छ।
अब फिल्मले विश्वव्यापी रूपमा रेकर्ड बनाएको छ। रिलिज भएको १ दिनमै फिल्म विश्वभरमा नेटफ्लिक्सको ७ औं नम्बर ट्रेन्डिङमा छ।
८ मार्चदेखि हलमा प्रदर्शन भइरहेको फिल्मले २९ दिनमा १४१ करोड २५ लाख भारू कमाएको छ।
यो फिल्मको बजेट ६० करोड भारू रहेको बताइएको छ।
विकास बहलले निर्देशन गरेको फिल्ममा अजयसँगै आर माधवन, ज्योतिका, जनकी बोदिवाला, अंगद माहोलेलगायत कलाकारको अभिनय छ। यो विकास बहलको पहिलो हरर फिल्म हो।
अजय देवगन, ज्योति देशपान्डे, कुमार मन्गत पाठक र अभिषेक पाठक निर्माण रहेको फिल्ममा संंजिव जोशी, अमृत दलमिया सह-निर्माता छन्।
'शैतान' सन् २०२३ मा आएको गुजराती फिल्म 'वाश' को हिन्दी रिमेक हो। यस फिल्मलाई कृष्णदेव याग्निकले निर्देशन गरेका थिए।
