तेलुगु फिल्मका चर्चित अभिनेता हुन् चिरञ्जीवी।
उनी अभिनेतासँगै व्यवसायी पनि हुन्। उनी फिल्म, विज्ञापन र व्यवसायमार्फत कमाइ गर्छन्। तेलुगु फिल्म क्षेत्रमा उनी सबैभन्दा धेरै पारिश्रमिक लिने अभिनेतासमेत हुन्।
भारतीय नवभारत टाइम्सका अनुसार उनीसँग १६५० करोड भारू सम्पत्ति छ। उनी लग्जरी जीवन जिउँछन्। उनीसँग महँगा कारसहित प्राइभेट जेट पनि छ।
उनको हैदराबादमा लग्जरी भिला छ। जसको मूल्य सन् २०२२ मा २८ करोड भारू बताइएको थियो। योसँगै उनीसँग बैंगलुरूमा पनि एक घर छ।
चिरञ्जीवीले राजनीतिज्ञ पनि हुन्। उनी चार दशकदेखि फिल्ममा काम गरिरहेका छन्।
चिरञ्जीवी आगामी फिल्म 'विश्वभरा' मा देखिनेछन्। यो फिल्म २०२५ मा प्रदर्शन हुने बताइएको छ।
