फिल्म 'प्रेम गीत २' को निमार्ण टोली अहिले थाइल्याण्ड पुगेको छ। थाइल्याण्डका विभिन्न सहरमा फिल्म देखाउन टोली त्यहाँ पुगेको हो।
१४ देखि १९ अक्टोबरसम्म थाइल्याण्डका बैंकक, पत्ताया,हुवा हिन र खो सोमइमा शो भइरहेको निर्माता सन्तोष सेनले बताएका छन्।
१४ र १५ तारिख बैंकक, १६ तारिख पत्ताया, १७ हुवा हिन र १९ मा खो सोमइमा फिल्म प्रर्दशन गरेर स्वदेश फर्कने सेनले बताए।
फिल्म शोबाट उठेको रकम थाइ नेपाली संघमा जम्मा गरि सामाजिक काममा खर्चने फिल्म निमार्ण पक्षले जनाएको छ।
थाइल्याण्ड र म्यान्मारमा छांयाकन गरिएको फिल्म यस अघि नेपालमा प्रर्दशन भइसकेको छ। थाइल्याण्डपछि तिहार लगत्तै म्यान्मारमा पनि फिल्म प्रर्दशन गरिने सेनले बताए।
