‘हाम्रो लोकसंस्कृति’का लेखक संस्कृतिविद् सत्यमोहन जोशीलाई कर्णाली साहित्य समाजद्वारा साधना सम्मान प्रदान गर्न लागिएको छ। कर्णाली साहित्य समाज सुर्खेतले उनलाई ताम्रपत्रसहितको यो सम्मान प्रदान गर्न लागेको हो।
शताब्दी पुरुष जोशीको उक्त कृतिले सन् २०१३ सालको मदन पुरस्कार प्राप्त गरेको थियो। शताब्दी पुरुष जोशी नेपालमा तीन पटक मदन पुरस्कार पाउने एक मात्र व्यक्ति हुन्। जोशीले कर्णालीलाई चिनाउनका लागि दिएको योगदानको कदर गर्दै उक्त सम्मान प्रदान गर्न लागेको कर्णाली साहित्य समाजका सचिव सरस्वती पन्तले जानकारी दिइन्।
यसैगरी २०७६ सालमा प्रकाशित भएका कृतिहरुमध्येबाट छनोट गरी ललित विष्टद्वारा लिखित कथा संग्रह ‘मोहपथ’लाई कर्णाली साहित्य समाज कृति पुरस्कार प्रदान गर्न लागिएको छ। वीरेन्द्रनगरमा आयोजना गरिने विशेष कार्यक्रममा नगद ५० हजार राशीको कृति पुरस्कार प्रदान गरिने संस्थाका सचिव पन्तले जानकारी दिइन्। यो कर्णालीमै संस्थागत रुपमा स्थापना गरिएको अहिलेसम्मकै ठूलो पुरस्कार राशी हो।
यस्तै कर्णाली साहित्य समाज प्रतिभा पुरस्कार वरिष्ठ लोकसाधक प्रेमदेव गिरीलाई प्रदान गरिने भएको छ। यस पुरस्कारको राशी नगद २५ हजार रुपैयाँ छ।
संस्थाका अध्यक्ष अध्यक्ष खगेन्द्र अधिकारीका अनुसार गतवर्ष कर्णाली साहित्य समाजले महेश थापाद्वारा लिखित मरीचिका कथा संग्रहलाई ५० हजार राशिको कर्णाली साहित्य समाज कृति पुरस्कार प्रदान गरेको थियो। कर्णाली साहित्य समाज प्रतिभा पुरस्कार बुद्धिसागरलाई र कर्णाली साहित्य समाज साधना सम्मान कवि श्यामललाई प्रदान गरिएको थियो।ब
-1746009348.jpg)
