सशस्त्र प्रहरी बल नेपाल नं. ९ पशुपतिनाथ बाहिनी मुख्यालय बलम्बु काठमाडौंको आयोजनामा विभिन्न विधाका खेलकुद कार्यक्रम तथा बाहिनीपति कप-२०८० सम्पन्न भएको छ।
बाहिनिपति कप खेलकुद प्रतियोगिता-२०८० मा १५ स्वर्ण, ६ रजत तथा ४ कांस्य सहित नं १९ बंगलामुखी विशेष कर्यदल गण प्रथम भएको छ।
प्रत्येक वर्ष संचालन हुँदै आइरहेको कप यस वर्ष पनि मातहतका गण तथा गुल्महरुबाट विभिन्न १२ वटा खेलकुदका बिधामा प्रतिस्पर्धा भएको छ।
बाहिनीपति कप-२०८० बाट छनोट भएका प्रतिभाशाली खेलाडीहरु निकट भविष्यमा सशस्त्र प्रहरी बल नेपाल प्रधान कार्यालयमा संचालन हुने सशस्त्र प्रहरी महानिरीक्षक कप-२०८० मा सहभागी हुनेछन्।
विभिन्न युनिटबाट सहभागी खेलाडीमध्येबाट विभिन्न विधामा प्रथम, द्वितीय तथा तृतीय हुने खेलाडीलाई प्रमुख अतिथि बाहिनीपति सशस्त्र प्रहरी नायव महानिरीक्षक पुरूषोत्तम थापाले ट्रफी, मेडल तथा प्रशंसा पत्र प्रदान गरेका थिए।
