काभ्रेपलान्चोकको मण्डनदेउपुर नगरपालिकामा नगरस्तरीय जनप्रतिनिधि, कर्मचारी र शिक्षकबीच भएको मैत्रीपूर्ण फुटबल प्रतियोगिताको उपाधि टाइब्रेकरमा मण्डनदेउपुर नगरपालिकाको कर्मचारी टिमले जित्न सफल भएको छ।
निधारित समयमा गोल नभए पछि खेल सिधै टाइब्रेकरमा पुगेको थियो। वडा नम्बर ११ को चण्डेनी माविले उपविजेतामा चित्त बुझायो।
वडा नम्बर ८ को डेडी थुम्का तृतीय बन्यो।
पहिलो, दोस्रो र तेस्रो टिमले क्रमश: १० हजार, ५ हजार, ३ हजार रुपैयाँ ट्रफि प्रमाणपत्र मेडल पाए।
उत्कृष्ट किपर कर्मचारीका सुनिल लम्साल, उत्कृष्ट डिफेन्डर कर्मचारीका ईश्वर घोरसाईनी, उत्कृष्ट खेलाडी कर्मचारी टिमबाट सागर कोईराला, हाइस्कोरर चण्डेनी माविका हेमराज विक भए।
यसैबीच पुसको पहिलो सातादेखि नगरपालिकास्तरीय राष्ट्रपति रनिङ शिल्ड पनि सुरु हुने बताइएको छ।
