नासिर याह्या हुसेनले जापानको फुकुओकामा आयोजना भएको विश्व एक्वाटिक च्याम्पियनसिप २०२३ मा आफ्नो नाममा नयाँ राष्ट्रिय कीर्तिमान कायम गर्न सफल भएका छन्।
फुकुओकाबाट नेपाल पौडी संघका अध्यक्ष अशोक बज्राचार्यले जानकारी दिएअनुसार नासिरले ४ सय मिटर फ्रिस्टायलमा नयाँ राष्ट्रिय कीर्तिमान बनाएका हुन्।
उनले ४ मिनेट ८.२३ सेकेन्ड समयका साथ नयाँ कीर्तमान कायम गरेका हुन्।
यसअघि नासिरको नाममा ४ मिनेट १२.१७ सेकेन्ड समयको कीर्तिमान कायम थियो। नासिरले उक्त कीर्तिमान आषाढमा आयोजना भएको ११ औं एनएसए कप पौडी प्रतियोगितामा राखेका थिए।
प्रतियोगितामा भोलि नासिरले पुरुष २०० मिटर फ्रिस्टायल तथा गौरिका सिंहले १०० मिटर ब्याकस्ट्रोकमा प्रतिस्पर्धा गर्नेछन्।
