तेस्रो कौस्तुभ अन्तर विद्यालय सेभेन ए साइड फुटसल प्रतियोगिता साउन १ गते हुने भएको छ।
आयोजक कौस्तुभ एकेडेमीका प्रिन्सिपल किरणप्रकाश न्यौपानेका अनुसार प्रतियोगिताका खेलहरू बैजन्ती फुटसल, दिब्येश्वरीमा संचालन हुनेछन्।
प्रतियोगिताका लागि असार २८ सम्म टिम दर्ता गर्न सकिनेछ। यस्तै असार ३१ गते टाइसिट ड्र हुनेछ।
टिम दर्ता शूल्क ५ हजार रूपैयाँ राखिएको छ। यस्तै प्रथम पुरस्कार ५० हजार राखिएको छ भने दोस्रो हुने टिमलाई २५ हजार रुपैयाँ प्रदान गरिनेछ।
एसइई दिएका खेलाडीलाई प्लस टु अध्ययनमा शतप्रतिशतसम्म छात्रबृत्तिको व्यवस्था रहेको एकेडेमीका प्रिन्सिपल न्यौपानेले जानकारी दिए।
पेप्सीकोलाको कौस्तुभ एकेडेमीको आयोजनामा भइरहेको प्रतियोगिता कोभिडका कारण दुई वर्ष हुन सकेको थिएन।
२०७५ को पहिलो संस्करणमा ३५ स्कुल र २०७६ को दोस्रो संस्करणमा ४७ स्कुलले भाग लिएका थिए।
