नेपाली राष्ट्रिय फुटबल टोलीले भदौ २१ र २४ गते काठमाडौंको दशरथ रंगशालामा बंगलादेशसँग दुई अन्तर्राष्ट्रिय मैत्रीपूर्ण खेल खेल्ने तय भएको छ। दुवै खेल फिफा अन्तर्राष्ट्रिय विन्डो अन्तर्गत हुन्।
एएफसी एसियन कप छनोटमा बाँकी खेलको तयारीका लागि नेपालले बंगलादेशसँग मैत्रीपूर्ण खेल खेल्न लागेको हो। अखिल नेपाल फुटबल संघले दुवै मैत्रीपूर्ण खेलले नेपालको तयारीका लागि महत्वपूर्ण काम गर्ने जनाएको छ।
एसियन कप छनोटमा नेपाल समूह ‘एफ’ मा छ। समूहमा नेपालसँगै मलेसिया, लाओस र भियतनामसँगै छन्।
नेपालले अहिलेसम्म समूह चरणमा दुई खेल खेलेको छ। तर दुवै खेलमा हार बेहोरेको कारण अंक जोड्न सकेको छैन।
नेपालले मलेसिया र लाओसविरूद्ध अवे खेलमा पराजय भोगेको थियो।
नेपालले छनोटको अब असोज २३ गते भियतनामसँग उसैको मैदानमा खेल्ने तालिका छ।
-1746009348.jpg)
