पिएसजी युरोपेली च्याम्पियन्स लिगको फाइनलमा पुगेको छ।
गएराति सेमिफाइनलको दोस्रो लेगमा आर्सनललाई २-१ गोलले पराजित गर्दै पिएसजीले फाइनलमा स्थान सुरक्षित गरेको हो।
पार्क देस प्रिन्सेसमा फ्याबियन रूइजले २७ मिनेटमा गोल गर्दै पिएसजीलाई सुरूवाती अग्रता दिलाए। ७२ मिनेटमा हाकिमीले अग्रता दोब्बर पारे।
७६ मिनेटमा बुकायो साकाले एक गोल फर्काएका थिए।
सेमिफाइनलको पहिलो लेगमा पिएसजीले आर्सनललाई १-० गोलले पराजित गरेको थियो। गएरातिको जितसँगै पिएसजी समग्रमा ३-१ गोलको नतिजा निकाल्दै फाइनलमा पुगेको हो।
अब उसले उपाधिका लागि इन्टर मिलानसँग प्रतिस्पर्धा गर्नेछ।
इन्टर बार्सिलोनालाई हराउँदै फाइनलमा पुगेको थियो।
