ललितपुर महानगरपालिकाले ललितपुरका ए, बी, सी डिभिजन तथा विभिन्न मोफसल प्रतियोगिताका विजेता क्लबहरूलाई आज नगदसहित सम्मान गरेको छ।
महानगरपालिकाले ए डिभिजनका पाँच क्लबहरू थ्री स्टार क्लब, फ्रेण्ड्स क्लब, जावलाखेल युथ क्लब, चर्च ब्वाइज युनाइटेड र सातदोबाटो युथ क्लबलाई ४-४ लाख रूपैयाँ प्रदान गरेको छ।
यस्तै बी डिभिजनका तीन क्लबहरू च्यासल युथ क्लब, खुमलटार एफसी र ब्रिगेड ब्वाइज युनाइटेडलाई ३-३ लाख दियो।
सी डिभिजनका चार क्लहरू खालीबारी युथ क्लब, पुलचोक स्पोर्ट्स क्लब र झम्सीखेल युथ क्लबलाई २-२ लाख रूपैयाँसहित सम्मान गर्यो।
तविभिन्न मोफसल प्रतियोगिता जित्ने चर्च ब्वाइज युनाइटेड र ब्रिगेड ब्वाइज युनाइटेडलाई प्रत्येक प्रतियोगिता जिते बापत ४ लाखका दरले सम्मान गरिएको गरिएको छ।
जसमा पाँच नकआउट प्रतियोगिता जितेको चर्च व्वाइजले २० लाख र दुई प्रतियोगिता जितेको ब्रिगेड व्वाइजले ८ लाख पुरस्कार पाएका थिए।
चर्च ब्वाइजले कुल २४ लाख पुरस्कार पाउन सफल भयो। महानगरले कुल ६५ लाख रूपैयाँ पुरस्कारमार्फत् प्रदान गर्यो।
ललितपुर महानगरपालिकाका मेयर चिरिबाबु महर्जन र एन्फा महासचिव किरण राई लगायतले क्लबहरूलाई चेक हस्तान्तरण गरेका थिए।
