इंग्लिस प्रिमियर लिगमा उपाधि होडमा रहेका शीर्ष टोलीले जित निकालेका छन्।
शीर्ष स्थानको लिभरपुलले क्रिस्टल प्यालेसलाई १-० गोलले हरायो। लिभरपुलको जित मा डिएगो जोटाले नवौं मिनेटमा गोल गरे।
दोस्रो स्थानको म्यानचेस्टर सिटीले फुलहमलाई ३-२ गोलले हरायो। सिटीका लागि कोभाकिसले ३२ र ४७ मिनेटमा गोल गरे। यस्तै डोकुले ८२ मिनेटमा अर्को गोल गरे। फुलहमका लागि आन्द्रेसले २६ र मुनिजले ८८ मिनेटमा गोल गरे।
आर्सनलले साउथह्यम्टनलाई ३-१ गोलले पराजित गर्यो। उसका लागि हाभार्ट्जले ५८ मिनेटमा, मार्टिनेलीले ६८ मिनेट र साकाले ८८ मिनेटमा गोल गरे।
त्यसअघि ५५ मिनेटमा आर्चरको गोलबाट साउथह्याम्टनले अग्रता लियो।
लिगमा शीर्ष स्थानको लिभरपुलको १८ अंक छ भने दोस्रो स्थानको सिटी र तेस्रो स्थानको आर्सनलको १७-१७ अंक छ।
