युरोपियन च्याम्पियन्स लिगमा इंग्लिस क्लब म्यानचेस्टर युनाइटेड हारबाट जोगिएको छ। मंगलबार राति भएको समूह ‘एफ’ को खेलमा युनाइटेडले इटालियन क्लब एटलान्टासँग २-२ गोलको बराबरी खेलेको हो।
खेलको १२ मिनेटमा इलिकिकको गोलबाट एटलान्टाले खेलमा सुरुवाती अग्रता लिएको थियो।
पहिलो हाफको इन्जुरी टाइमको पहिलो मिनेटमा युनाइटेडका रोनाल्डोले बराबरी गोल फर्काउन सफल भए। उनलाई ब्रुनो फर्नान्डेजले पास उपलब्ध गराएका थिए।
५६ मिनेटमा जापाटाले गोल गरेपछि घरेलु टिम एटलान्टाले खेलमा दोस्रो पटक अग्रता लिएको थियो।
दोस्रो हाफको इन्जुरी टाइमको पहिलो मिनेटमा युनाइटेडका लागि फेरि रोनाल्डोले बराबरी गोल फर्काउन सफल भए। यसपटक उनलाई ग्रिनउडले पास दिएका थिए।
यो समूहको अर्को खेलमा भिल्लारियलले योङ्ग ब्वाइजलाई २-० ले हराएको छ।
समूहमा युनाइटेड ४ खेलबाट ७ अंक जोड्दै शीर्ष स्थानमा छ। दोस्रो स्थानको भिल्लारियलको पनि ७ अंक नै छ। तेस्रो स्थानको एटलान्टाको ५ अंक र पुछारको योङ्ग ब्वाइजको ३ अंक छ।
-1753341424.jpeg)
-1746009348.jpg)
