स्पेनिस ला लिगामा रियल म्याड्रिडले विजयी सुरूवात गरेको छ।
शनिबार राति भएको खेलमा रियलले अलाभेसलाई ४-१ गोलले पराजित गर्यो।
रियलका लागि करिम बेन्जिमाले खेलको ४८ र ६२ मिनेटमा गरी दुई गोल गरे।
पहिलो हाफ गोलरहित बराबरीमा सकिएको खेलको ५६ मिनेटमा नाचोले रियलका लागि अर्को गोल गरेका थिए।
यस्तै अलाभेसका जोसेलुले ६५ मिनेटमा पेनाल्टीबाट गोल फर्काए।
रियलका लगि भिनिसियस जुनियरले दोस्रो हाफको इन्जुरी टाइममा चौथो गोल गरेका थिए।
लिगका अन्य खेलमा कार्डिज र लेभान्तेले तथा मालोर्का र रियल बेटिसले समान १-१ गोलको बराबरी खेलेका छन्।
यसैगरी ओसासुना र स्पान्योलबीचको खेल पनि गोलरहित बराबरीमा सकिएको छ।
-1746009348.jpg)
