इटालीयन डिफेन्डर लियोनार्दो बोनुचीले इटाली युरो २०२० फाइनलमा इंग्ल्यान्डको घरेलु टिममा भिड्न नडराएको बताएका छन्।
आइतबार युरो २०२० को फाइनलमा इटाली र इंग्ल्यान्डबीच लन्डनको वेम्बली रंगशालामा हुने फाइनल खेलअघि बोनुचीले यस्तो प्रतिक्रिया दिएका हुन्।
इटालीले युरो २०२० को सेमिफाइनलमा स्पेनलाई पेनाल्टी सुटआउटमा हराउँदै फाइनलमा स्थान बनाएको थियो।
'रंगशालामा अधिकांश समर्थक इंग्लिस हुने भए पनि हामीलाई थप प्रोत्साहन मिल्नेछ,' उनले भने।
खेलमा इटालीका एक हजार समर्थकलाई मात्र रंगशालामा प्रवेश दिइनेछ।
इटालियन क्लब युभेन्ट्सका ३४ वर्षीय डिफेन्डर तथा ३६ वर्षीय चिइलेनी जस्ता पाका खेलाडीले औषत २५ वर्ष उमेर भएको इंग्लिस टिमसँग भिड्दैछ।
यो विषयमा पनि बोनुची हाँसो गरे। उनले खेललाई 'युवा भर्सेस बुढा' को संज्ञा दिए।
इंग्लिस टिममा १९ वर्षीय बुकायो साका र २१ वर्षीय जाडोन सान्चो अग्रपंक्तिमा छन्।
'उनीहरूसँग उत्कृष्ट फरवार्ड छन्। हामीले उनीहरूसहित पूरै टिममाथि निगरानी गर्नु पर्नेछ,' बोनुचीले भने,'हामीलाई थाहा छ उनीहरुले हामीलाई अप्ठेरो पार्नेछन्। हामीले उनीहरूको गतिको ख्याल गर्नु पर्नेछ।'
-1746009348.jpg)
