युरो २०२० को दोस्रो सेमिफाइनलमा बुधबार राति इंग्ल्यान्ड र डेनमार्कबीच भिडन्त हुँदैछ। लन्डनस्थित वेम्बली रंगशालामा हुने खेल राति १२:४५ बजे सुरू हुनेछ।
इंग्ल्यान्ड सन् १९६६ पछि पहिलो मुख्य प्रतियोगिताको फाइनलमा पुग्ने लक्ष्यमा छ।
घरेलु टिम इंग्ल्यान्डले ६० हजार दर्शकअघि डेनमार्कविरुद्ध खेल्दा इतिहास रच्न चाहान्छ।
५५ वर्षअघि विश्वकपको फाइनल पुगेर उपाधि जिते यता इंग्ल्यान्ड कुनै पनि मुख्य प्रतियोगिताको फाइनलमा पुग्न सकेको छैन।
डेनमार्क सन् १९९२ को विजेता हो। समूह चरणका सुरुवाती दुई खेलमा पराजित भए पनि डेनमार्कले उत्कृष्ट पुनरागमन गरेर मिफाइनलसम्मको यात्रा तय गर्यो।
यो खेलको विजेताले आगामी आइतबार राति इटालीसँग उपाधिका लागि प्रतिस्पर्धा गर्नेछ।
इटालीले मंगलबार राति भएको पहिलो सेमिफाइनलमा स्पेनलाई हराएर फाइनलमा स्थान पक्का गरेको थियो।
-1746009348.jpg)
