जर्मन मिडफिल्डर टोनी क्रुसले अन्तर्राष्ट्रिय फुटबलबाट संन्यास लिने घोषणा गरेका छन्।
युरो २०२० बाट जर्मनी बाहिरिएसँगै स्पेनिस क्लब रियल म्याड्रिडबाट व्यवसायिक फुटबल खेल्दै आएका क्रुसले संन्यास लिने घोषणा गरेका हुन्।
३१ वर्षीय क्रुसले युरो २०२० अन्तर्गत इंग्ल्यान्डविरुद्धको अन्तिम १६ को खेलमा जर्मन टिमबाट खेलेका थिए। सो खेलमा जर्मनी पराजित भएको थियो।
सन् २०१४ मा जर्मनीले विश्वकप जित्दाको टिमका सदस्य क्रुसले जर्मन टिमबाट १०६ खेल खेले।
उनले भनेका छन्,'मैले जर्मनीका लगि १०६ खेल खेले। अब अर्को खेल्न खेल्नेछैन।'
अब उनी कतारमा सन् २०२२ मा हुने विश्वकपमा टिममा हुनेछैनन्।
अब उनी रियल म्याड्रिडको करिअरमा केन्द्रित हुनेछन्।
सन् २००७ मा वायर्न म्युनिखबाट करिअर सुरु गरेका उनले क्लबबाट २ सय खेल खेलेका थिए। उनी सन् २०१४ मा रियलमा आबद्ध भएका थिए।
-1746009348.jpg)
